![](https://top-channel.tv/wp-content/uploads/2024/09/kf_sd-800x450.jpg)
Ndërkohë që Gjykata Kushtetuese ende nuk ka marrë vendimin final, mandatari Avdullah Hoti duket se është gati për formimin e qeverisë së re.
Ai në një postim në Facebook ka shkruar se deputetët e Kuvendit të Kosovës do të kenë shumë punë në ditët e para të Qeverisës së re për zbatimin e masave per rimëkëmbje ekonomike.
“Sot e diskutuam Programin Qeverisës me Grupin Parlamentar, një diskutim shumë përmbajtësor. Deputetët do të kenë shumë punë që në ditët e para të Qeverise së re për të miratuar ligjet për zbatimin e masave për rimëkëmbje ekonomike”, ka thënë Hoti.
Ndryshe, dekreti i presidentit Hashim Thaçi për mandatarin është në pritje të vendimit final të Gjykatës Kushtetuese më 29 maj, pas kontestimit të saj nga ana e Lëvizjes Vetëvendosje, e cila pas rënies së Qeverisë Kurti kërkon shkuarje në zgjedhje të reja.
Top Channel