Lufta në Ukrainë, 8 të vrarë dhe 18 të plagosur nga sulmet ruse në Odesa 18/11 12:44
Afrika e Jugut në 24 orët e fundit ka regjistruar 1.160 raste të reja me koronavirusin e ri (COVID-19), që është bilanci më i lartë që nga muaji mars, duke sjellë numrin e përgjithshëm të rasteve të konfirmuara në 15.515, bëri të ditur Ministria e Shëndetësisë e këtij vendi.
“Për fat të keq raportojmë edhe tre vdekje tjera të lidhura me COVID-19, kjo sjell vdekjet totale të vendit në 264”, tha Ministria.
Ministria më tej tha se deri më tani ka bërë 460.873 teste të COVID-19 që ku pandemia regjistroi rastin e parë në vend në mars. Thuhet se janë kryer 21.314 teste në ciklin e fundit 24-orësh.
Ministria shprehu shqetësimin për zhvillimet në provincën Cape Western, një qendër turizmi e cila ka numrin më të madh të infeksioneve 9.294.
Që kur regjistroi rastin e parë në muajin mars, Afrika e Jugut tani ka numrin më të madh të infeksioneve në kontinent, e ndjekur nga Egjipti.
Top Channel
