Top Story/ Historia e Agron Vrajës, humbi jetën nga Covidi në SHBA kur vizitoi djalin e tij

Agron Vraja, nuk e kishte imagjinuar se këto momente të gëzueshme pranë djalit të tij student në Shtetet e Bashkuara, do të priteshin në mes në mënyrë tragjike për të. 52-vjeçari i plotësoi dëshirën Arbisit të festonte datëlindjen e 21-të të tij me babanë, mijëra kilometra larg atdheut pa e imagjinuar kurrë se po bënte një rrugë pa kthim.

“11 Mars sepse në 15 djali kishte ditëlindjen dhe kishte qejf të ishin bashkë, e kishte prerë gati dy muaj para biletën djali”, tregon Rozeta Vraja, Bashkëshorte e Agron Vrajës. Atë ditë, babë e bir shëtitën rrugëve të Nju Jorkut. Agroni kishte filluar të ndjente shqetësimet e para. Agroni, as që e kishte menduar se mund të ishte infektuar nga Covid-19. U nis nga Shqipëria shëndoshë e mirë dhe ditët e ekspozimit në Nju Jork, ishin më pak se 1 javë, kohë që nuk justifikon gjendjen e agravuar të tij aq shpejt. Koronavirusi u tregua mjaft ti nëzar me të.

Agroni e kaloi të gjithë dhimbjen i vetëm. Protokolli i sigurisë nuk i jepte asnjë mundësi djalit tij qëndronte pranë të atit. Agroni nuk vuante nga asnjë sëmundje shoqëruese. Ai kishte pasur një jetë të shëndetshme deri kur virusi i dëmtoi mushkërinë. Rozeta, kaloi përkrah Agronit 25 vitet më të bukura të jetës. Pengu i saj i madh mbeti pamundësia për të dëgjuar nga shoku i jetës mesazhin e fundit.

“Nuk arrita sepse ai nuk e dinte që do bëhej rëndë në mëngjes, ai është bërë në mëngjes rëndë. A ju dha një amanet? Jo, jo, unë e di amanetin e tij, janë fëmijët e vetë, sepse ai gjithmonë… preket, qan, edhe kur ishim mirë me njëri – tjetrin që flisnim ai thoshte që edhe në më gjet gjë mua, thoshte kot, jam e sigurt i ka fëmijët të sigurt me ty”, tregon Rozeta Vraja, Bashkëshorte e Agron Vrajës.

Top Channel