Në përfundim të procesit për lejet e përkohshme që dërgoi në shtëpi rreth 400 të burgosur të formës së prerë një grua iu drejtua gjykatës administrative duke paditur Drejtorinë e Përgjithshme të Burgjeve me kërkesën që bashkëshorti dhe djali t’i kthehen në shtëpi.
Në përfundim të procesit për lejet e përkohshme që dërgoi në shtëpi rreth 400 të burgosur të formës së prerë një grua iu drejtua gjykatës administrative duke paditur Drejtorinë e Përgjithshme të Burgjeve me kërkesën që bashkëshorti dhe djali t’i kthehen në shtëpi.
Sadete Joca pretendon se burgjet i dhanë leje të përkohshme një të dënuari tjetër ndaj të cilit rëndojnë të njëjta akuza, dhe se nuk kanë ndjekur të njëjtin standard dhe për bashkëshortin dhe djalin e saj, pjesëtarë në të njëjtën dosje. Gruaja i kërkon gjykatës të urdhërojë burgjet që të veprojnë siç vendosën për Përparim Luzin i bashkë akuzuar me familjarët e saj. Bashkim dhe Albi Joca si dhe Përparim Luzi u shpallën fajtorë për çështje droge.
“Të njëjtat kushte, as i sëmurë asgjë nuk është. Pse ai lirohet dhe familjarët e mi jo”, shprehet Sadete Joca.
Gruaja nga fshati Vakumanë ka dyshimet e saj.
“Tani kjo nuk do mend ata duhet të kenë paguar ne nuk kemi mundësi, ai ka lokal ne jemi fukarenj. Unë jetoj e vetme në majë të malit, mirë që të drejtë nuk u treguan, por të paktën të m’i kthejnë, të më ndihmojnë gjatë këtyre muajve me punët e fshatit”, shprehet Joca.
Gjatë gjykimit, babë e bir u treguan bashkëpunues me drejtësinë dhe treguan emrin e personit që u kishte kërkuar të transportonin rreth 60 kg kanabis. Personi te i cili ata drejtuan gishtin është Përparim Luzi, që u dënua bashkë me ta dhe që me gjithë rrethanat e njëjta , ai do të qëndrojë në shtëpi deri në mbyllje të pandemisë, ndryshe nga dy të tjerët qe u refuzuan nga autoritetet.
Top Channel
