Është e dielë dhe bregdeti i Durrësit është mbushur plot me qytetarë të grupmoshave të ndryshme, veçanërisht prindër me fëmijë deri në 14 vjeç, por masat anti- covid 19 në të shumtën e rasteve nuk janë respektuar.
”Kanë ditë që janë mbyllur brenda dhe po dalim pak.
Nuk i kemi marrë masat pasi po qëndrojmë veç. Distancohemi dhe nga të tjerët. As te lodrat nuk po shkojmë. Kështu që besoj jemi në rregull.”
– ”Si në karantinë. Arrest shtëpie. Sot kemi dalë.”
– Sa vjeçe je ti?
– ”Kemi dalë për ajrosje. Nuk kemi marrë asnjë masë.”
– ”Unë e kaloj kohën duke shëtitur dhe njëkohësisht duke lexuar. Koha kalon dhe rrezet e diellit i marr dhe jam shumë i kënaqur.”
– Ndërkohë ka kaluar dhe orari për qëndrimin tuaj jashtë.
– ”Edhe unë jam drejt shtëpisë për të drekuar.”
– ”Dëshira për të mbajt distancë është shumë e madhe. Po si do e mbajmë? Populli ka dalë. Liridalje plot. Dielli po, klima po, deti po. Të gjitha. Distancën jemi të detyruar ta mbajmë se kemi prindërit tanë dhe të tjerët.”
– Po të tjerët a po i respektojnë rregullat?
– ”Shumë njerëz janë të pandërgjegjshëm. Nuk e kuptojnë ç’do të thotë koronavirus. Një armik i padukshëm që është ballë për ballë nesh, po nuk e dimë ku është.
E mira është të ruhemi. Të mbajmë distancën dhe mbrojmë familjet tona.”
Top Channel
