Bota Të Fundit

Burri që infektoi tre gra me virusin HIV burgoset për krime ‘të pafalshme’

29/04/2020 19:37

Një britanik që luante me shëndetin e grave duke mos u treguar se ishte i infektuar me virusin HIV para se të bënte seks me to, është burgosur për tetë vjet pasi infektoi tre prej tyre.

John Rodney, 60 vjeç, rezultoi pozitiv me virusin në gusht 2013, por vazhdoi të kryente marrdhënie të pambrojtura disa vjet më vonë.

Në gjykatën e Bristol u tha se Rodney merrte vetëm në mënyrë sporadike mjekimin që ul rrezikun e transmetimit të sëmundjes.

Hetimet ndaj tij nisën në 2017 kur një grua denoncoi se kishte marrë virusin pas marrdhënieve të pambrojtura me të.

I akuzuari pretendonte se nuk kishte pasur partnere por detektivët arritën të provonin të kundërtën, duke përfshirë dhe dëshminë nga dy ish-partnere të tij. Gjykatësi William Hart e dënoi atë me tetë vjet burg për lëndime të rënda trupore.

Ai tha: “Ti nuk doje t’ia dije për shëndetin e partnereve të tua, për të ardhmen e tyre dhe lirinë e tyre të zgjedhjes, por në çdo rast i dhe prioritet vetëm dëshirave të tua seksuale. Ti luaje ‘ruleta ruse’ me shëndetin e të tjerëve dhe kjo është e pafalshme. Edhe pecedentët e tua të tjera penalë janë një mori moskokëçarjeje për shëndetin e të tjerëve”.