SHBA: Rusia po përshkallëzon konfliktin me praninë e trupave koreano-veriore 18/11 22:44
Kancelarja Merkel tha se kontrollimi i virusit është një sfidë e madhe për kohezionin e Evropës.
“Kjo është sfida më e madhe që nga Lufta e Dytë Botërore, për jetën dhe shëndetin e popullit tonë,” i tha ajo Bundestag-ut.
Sot, Merkel do të bashkohet me liderët e tjerë të BE-së në një video-konferencë për krizën.
Ajo tha se duke vazhduar “me disiplinën maksimale, ne mund të kthehemi të jetojmë në siguri më shpejt”. Kancelarja paralajmëroi se një disiplinë e tillë është e nevojshme.
“Ne nuk duhet të humbim atë që është arritur tashmë,” tha ajo, duke vlerësuar efikasitetin e sistemit të kujdesit shëndetësor të Gjermanisë dhe ndihmën e forcave të armatosura në përpjekjen kombëtare.
Vendimet e qeverisë së saj në këtë krizë “nuk kanë model historik”, tha ajo.
“Pyetja se si mund ta parandalojmë virusin të mbingarkojë sistemin tonë shëndetësor dhe më pas të kushtojë jetën e njerëzve të panumërt, kjo pyetje do të jetë për një kohë të gjatë pyetja kryesore për politikën në Gjermani dhe Evropë.”
Ajo tha se Evropa duhet të forcojë aftësinë e saj për të prodhuar pajisje të specializuara mjekësore, në vend që të varet nga furnizimet globale, të cilat tani janë shumë të shtrira.
Top Channel
