Rama mesazh Greqisë nga Himara: Pronat e himarjotëve janë të mbështetura në letra, jo nga Hëna. Kush iu thotë diçka tjetër…
24/05 19:36
TIRANË- Kreu i Partisë Demokratike, Lulzim Basha ka komentuar raportin e Reporterëve pa Kufij për lirinë e medias, ku sipas këtij raporti Shqipëria ka humbur 2 pozicione dhe bën fajtore qeverinë.
Sipas kryedemokratit nismat e qeverisë përkeqësuan lirinë e medias në Shqipëri. Ndër të tjera kreu i PD është shprehur se kjo ka ardhur si pasojë e nismave të qeverisë për të censuruar fjalën e lirë e ushtruar presion ndaj atyre që denoncojnë korrupsionin, lidhjet e politikës me krimin dhe abuzimet me fondet publike.
“Shqipëria është përkeqësuar dhe ka rënë më poshtë në indeksin e lirisë së medias! Kjo ka ardhur si pasojë e nismave të qeverisë për të censuruar fjalën e lirë e ushtruar presion ndaj atyre që denoncojnë korrupsionin, lidhjet e politikës me krimin dhe abuzimet me fondet publike.
Ai që ka frikë nga fjala e lirë është armik i demokracisë. Ai që përditë nëpërkëmb dhe ofendon gazetarët, duke kërcënuar ata që mendojnë ndryshe e denoncojnë aferat korruptive, ai përditë largon gjithnjë dhe më shumë vendin dhe shqiptarët nga standartet europiane.
Censura, dhuna dhe autocensura në një vend që pret për antarësim në Bashkimin Europian, i shtohen panoramës së hidhur të krimit dhe korrupsionit që kjo qeveri servir në tryezën e ligjvënësve europianë”, deklaron Basha.
Top Channel
