“Prokurori alla Enver Kadri! Meqë je kaq trime, hajde ikim në gjykatë”, Ndreca dhe Vokshi vijojnë përplasjet te “Shëndetësia”, deputetja: Një person në konflikt interesi… 25/04 13:11
Kanë nisur debatet e para në Kuvend ku deputeti i opozitës Ralf Gjoni ka kërkuar nga shumica dhe kreu i Kuvendit të tërheqin nga kjo seancë amendimet në Kodin Penal, për thyerësit e karantinës.
Sipas tij, është keqpërdorur “një zonjë e nderuar, nga më të urtat dhe më korrektja, për të bërë vjedhurazi amendimet që i trajtojnë shqiptarët si kriminelë”.
“Amendamenti i zonjës Bode nuk ka asnjë lidhje me propozimet e deputeteve Gjermeni dhe Bushka në janar, që lidhen me dhunën në familje, unë i mbështes, por futja vjedhurazi në mënyrë tinzare e dashakeqe, duke keqpërdorur një deputete të nderuar, mjeke, që është nga më të urtat, më korrekte dhe më me integritet, keqpërdorimi i një zonje të nderuar, për të ndryshuar kodin penal për ti trajtuar shqiptarët si kriminelë pa konsultim publik, është i papranueshëm”- tha ai.
Ndërkohë Ruçi ia ktheu: Nuk po flet për procedurë, mbylle tashti hajde.
Gjoni: Amendamenti i zonjës Bode, për të amenduar Kodin Penal në kundërhstim me rregulloren e Kuvendit, është i papranueshëm, e prezantuat vjedhurazi. I bëj kërkesë shumicës të tregojë dinjitet dhe ta tërheqë këtë amendament, që të mos trajtohet në këtë seancë.
Ruci: Me neveri them që gabuat rëndë kur iu adresuar asaj që vlen të respektohet dhe aq më pak s’ka vend të anatemohet.
Top Channel
