Bashkia Mat ka vendosur që të vendosë rrathë të verdhë nëpër vendet më të frekuentuara në qytet në mënyrë që qytetarët të ruajnë distancën.
Këtë e ka bërë të ditur bashkia nëpërmjet një postimi në Facebook.
Statusi:
Bashkia Mat, me anë të Ndërmarrjes së Shërbimeve ka vazhduar punën me vendosjen e rrathëve të verdhë si pikëqëndrimi për qytetarët në mënyrë që të mbajnë distancë nga njëri- tjetri në momentin e hyrjes në pikat e marketeve, dyqaneve, pikat e kompanive telefonike, Postës Shqiptare, farmacitë, pikat e bankave, etj.
Duhet të respektohet medoemos kjo distancë nga të gjithë qytetarët në mënyrë që të mos të jemi shkaktarë të përhapjes së infeksionit të mundshëm te njëri- tjetri.
Pranë këtyre pikave ka të pranishëm dhe efektivë të policisë për të kontrolluar zbatimin e mbajtjes së distancës të qytetarëve.
/Ariglon Pali/
Top Channel
