Akuzohet për abuzime, arrestohet ish-zëvendësministri i Kilit! 59-vjeçari…
15/11 22:46
Turqia u akuzua se ka bllokuar me qindra ventilatorëve dhe pajisje të tjera sanitare me destinacion Spanjën në mesin e pandemisë së përshkallëzuar të koronavirusit.
Zyrtarët spanjollë thanë se Ankaraja po i mbante respiratorët për “trajtimin e pacientëve të saj”, edhe pse autoritetet spanjolle kishin paguar tashmë miliona dollarë për to. Ministrja e jashtme e Spanjës, Arancha Gonzalez Laya, e pranoi te premten se kishte dështuar në përpjekjet e saj për të bindur homologun turk “të lëshojë “ respiratorët në ditët e ardhshme.”
Turqia ka vendosur kufizime në eksportin e pajisjeve mjekësore, e motivuar nga nevojat e saj për furnizime mjekësore,” tha ministrja. Mbrëmjen e së shtunës ndërkohë, ajo njoftoi se Turqia do ta lejojë kalimin e dërgesës drejt Spanjës. Duke falënderuar ministrin e jashtëm turk Mevlut Cavusoglu, Laya shkroi në Twitter:
“Ne e vlerësojmë gjestin e një vendi miqësor dhe aleat.”
Gazeta spanjolle El Mundo kishte njoftuar një ditë më parë se respiratorët ishin prodhuar në Turqi në emër të një firme spanjolle që i kishte blerë përbërësit nga Kina. Tre rajone spanjolle, Castilla-La Mancha, Navarra dhe Katalonia, kishin paguar për to, shkruante gazeta, e para për një pjesë të pajisjeve sanitare kishte dhënë edhe ministria spanjolle e shëndetësisë. Por Emiliano Garcia-Page, presidenti i Castilla-La Mancha, tha se Turqia “kishte vendosur në mënyrë të njëanshme të bllokonte” 150 respiratorë për të cilët ishin paguar tashmë 3 milionë euro.
Top Channel
