Lufta në Ukrainë/ Shtatë të vrarë nga sulmet ruse në Sumi, mes tyre edhe fëmijë 19/11 09:49
Një biznesmen kinez që shquhej për fitimet marramendëse në fushën e pronave të paluajtshme, është zhdukur pa as edhe një gjurmë që kur e quajti presidentin kinez Xi Jinping “palaço”, pas një fjalimi të mbajtur gjatë muajit të kaluar kur po fliste për përpjekjet e qeverisë për ta luftuar coronavirusin.
Ky lajm vjen vetëm një javë pasi Xi vizitoi banorët e karantinuar në Wuhan, epiqendra e epidemisë – veprim ky që shihej sikur Kina po bëhet gati të shpall fitoren nga coronavirusit.
Ren Zhiqiang, 69-vjeç, anëtar i Partisë Komuniste të Kinës dhe ish-pronar i një kompanie të madhe të pronave të paluajtshme “Huayuan Real Estate Group”, nuk është parë që nga 12 marsi dhe për të nuk dihet asgjë deri më tani, të paktën kështu pretendojnë tre miq të tij të cilët folën për Reuters.
“Shumë prej miqve tanë janë duke e kërkuar”, tha një mik i ngushtë që gjithashtu njihet si biznesmen i suksesshëm dhe është identifikuar për Reuters si Wang Ying.
“Ren Zhiqiang është një figurë publike dhe zhdukja e tij ka fituar vëmendje të madhe. Institucionet përgjegjëse duhet të japin shpjegim për këtë dhe atë sa më shpejtë të jetë e mundur”, shtoi ai.
Edhe Reuters ka tentuar të vë kontakt me Ren, por thirrjeve të tyre nuk u është përgjigjur askush. Në anën tjetër policia e Pekinit nuk i është përgjigjur menjëherë telefonatave, për të dhënë një koment lidhur me këtë.
Një ese e Renit që e kishte shpërndarë me të tjerët, kritikohet fjalimi i presidentit kinez Xi gjatë 23 shkurtit, që mediat kineze e kishin transmetuar si një telekonferencë për 170 mijë anëtarët e partisë dhe tërë kombin kinez. E kjo kopje e Renit më vonë u shpërnda nga të tjerët edhe në rrjete sociale.
Në esenë në të cilën ai nuk e përmend me emër presidentin kinez, Ren kishte thënë se pasi kishte studiuar fjalimin “nuk e kishte parë një lider me rroba të reja duke folur, por një palaço të zhveshur lakuriq që insistonte të jetë sundimtar”.
Ai gjithashtu kishte zbuluar se ka “krizë brenda qeverisë” dhe partisë, duke akuzuar rëndë vendin për mungesë të lirisë së shtypit dhe reagim të menjëhershëm të epidemisë së coronavirusit që me kalimin e ditëve vetëm sa u përkeqësua.
Top Channel
