Kolorado dhe Montana goditen nga moti i ashpër/ Amerikanët shkojnë të votojnë në mes të borës 06/11 02:18
Koronavirusi ka mbyllur edhe artin e kulturën.
Muzeu i Van Gogh në Amsterdam është mbyllur deri në fund të marsit. Në Nju Jork, Muzeu Metropolitan i Artit, muzeu më i madh në botë, tha se përkohësisht ka mbyllur të tre degët e tij në qytet. Të gjithë muzetë smithsonianë në Uashington DC dhe Nju Jork, do të mbyllen nga e shtuna.
Edhe Brodway ka pezulluar të gjitha performancat për një muaj. Belgjika ka njoftuar një seri të re kufizimesh duke anuluar të gjitha eventet kulturore dhe rekreative që nga e premtja. Disney ka njoftuar se do të mbyllë parqet tematike në Florida dhe Paris deri në fund të marsit. Më herët ishte mbyllur parku në Kaliforni në mesin e një vale infektimesh nga Covid-19 në shtet.
Ndërsa në botën e filmit, dalja në kinema e serisë më të fundit të “Fast and Furious” u shty me 11 muaj, dhe ky është vetëm një nga filmat e shtyrë. Ndërsa festivali i filmit Tribeca u shty në SHBA. Po ahstu të enjten,Katari njoftoi mbylljen e kinemave, teatrove, palestrave, zonave të argëtimit dhe muzeve.
Koronavirusi ka prekur rëndë edhe botën e sportit, me disa sportistë që kanë hyrë në vetëizolim sepse kanë rezultuar pozitivë. Ndërsa në Nepal, qeveria ka anuluar ngjitjen në malin Everest, pas vendimit të Kinës për të mos lejuar asnjë ekspeditë në anën veriore të malit. Resortet e skive në provincën e Tirolit në Austri po ashtu u mbyllën nga e diela.
Top Channel
