“Ka një dramë e një komedi për mësuesin”, intervista e veçantë e Artan Fugës në “Top Story”: Kemi një “tradhti” të elitave 25/11 23:02
Edhe pse janë grupmosha më e rrezikuar nga koronavirusi në mbarë botën, sot të moshuarit kanë dalë lirshëm nëpër rrugët e vendit.
Kjo është pedonalja e Bulqizës ku të pyetur se përse dalin të moshuarit thonë se nuk kanë frikë.
Në Bulqizë të gjithë lokalet dhe dyqanet vijojnë biznesin e tyre rregullisht.
Në Fier është mbyllur përkohësisht poliklinika e specialistëve. Për qytetarët do të bëhen gati recetat elektronike nga mjekët specialistë. Sipas shefes së shërbimit në poliklinikën e Fierit, do të punohet vetëm me rastet urgjente.
GJIROKASTER
Në Gjirokastër shumica e bareve dhe mjediseve të mbrëmjes janë mbyllur që prej ditës së djeshme. Gati 50% e njësive të shitjes gjithashtu i është përgjigjur thirrjes për masa parandaluese duke mbyllur aktivitetet.
ISSHP bëri me dije se masat do të vijojnë të mbeten të rrepta por nuk ka vend për panik.Një rast i një infermiereje të dyshuar nga Përmeti rezultoi negativ pas bërjes së testit.
LUSHNJE
Ne Lushnje ditën e sotme vihej re një mungesë e qytetarëve në rrugë. Të ndërgjegjësuar apo të frikësuar shumica e qytetarëve në Lushnjë kanë vendosur të rrinë të mbyllur në shtëpi. Por ka edhe disa të tjerë të cilët nuk e kanë prishur ritualin e përditshëm duke pirë kafe pa u shqetësuar edhe kur punonjësit e dezinfektimin janë afruar pranë tavolinave të tyre.
Në Lulishten e qytetit ku pensionistët luanin çdo ditë sot mungonin pasi dhe policia nuk i ka lejuar të grumbullohen që ditën e djeshme.
VLORA
Ndërsa në Vlorë duke shfrytëzuar diellin shumë qytetarët e kanë kaluar ditën në buzë të detit.
Top Channel
