Analiza/ Shërbimet sekrete perëndimore akuzojnë Moskën për luftë hibride. Si funksionon ky fenomen? 29/11 09:29
Kancelari britanik Rishi Sunak njoftoi se qeveria ka në plan të heqë të ashtuquajturën “ taksë” e leximit.
Teksa paraqiti buxhetin, Sunak tha se nuk do të ketë më taksë mbi publikimet digjitale dukë përfshirë këtu librat, gazetat, revistat e thjeshta dhe ato akademike. Vendimi hyn në fuqi nga 1 dhjetori. Ofertat digjitale të leximit i nënshtrohen aktualisht një norme standarde të TVSH-së prej 20 përqind, ndërsa për botimet e printuara, ajo është zero.
Botimet në Britani nuk kanë pasur asnjëherë TVSH, thotë shtypi vendas, pasi qeveritë kanë qenë të prirura ta shmangin taksën e leximit e cila do të shndërrohej sipas tyre, në një pengesë për dijen. Por përpara Dhomës së Komunëve, Sunak tha se nuk është e drejtë që publikimet online t`i nënshtrohen kësaj takse. Në 2018-tën, Shoqata e Botuesve Profesionistë, i pati kërkuar kancelarit të atëhershëm britanik, Philip Hammond ta hiqte TVSH-në mbi botimet digjitale, por ai e shmangu marrjen e një vendimi të tillë.
Vitin e kaluar shoqata iu rikthye kësaj teme, me argumentin se një në pesë persona që lexojnë librat online ndëshkohen padrejtësisht me taksën prej 20%, në një kohë kur varianti i printuar përjashtohej prej kësaj mase, e shtoi se heqja e saj do të rikthente 210 milionën paundë në xhepat e taksapaguesve britanikë.
Top Channel
