Tiranë/ Arrestohet “skifteri” i biçikletave, i shiste me “noterizim”
17/02/2020 09:28
Parashikimi i motit/ Reshje shiu, vanësira dhe alternime kthjellimesh në të gjithë vendin 02/05 07:03
Tiranë – Kapet dhe arrestohet në flagrancë një 39-vjeçar, i dyshuar si autor i disa rasteve të vjedhjes së biçikletave. Sipas policisë i arrestuari është L. Ç., 39 vjeç, banues në Shkozë, Tiranë (i dënuar më parë për veprën penale “Shfrytëzimi i prostitucionit në rrethana rënduese”).
Sipas policisë 39-vjeçari është arrestuar në flagrancë duke tentuar të vjedhë një biçikletë. Në cilësinë e provës materiale u sekuestruan: tri biçikleta të vjedhura, praktika noteriale për shitjen e biçikletave të vjedhura; pajisje të përdorura për realizimin e vjedhjeve, si dhe pjesë biçikletash të vjedhura.
Ndërkohë, vijon puna, në bashkëpunim me Prokurorinë, për dokumentimin edhe të disa rasteve të tjera të vjedhjes së biçikletave. Materialet iu referuan Prokurorisë së Rrethit Gjyqësor Tiranë, për veprime të mëtejshme, për veprën penale “Vjedhja, e kryer më shumë se një herë”.
Top Channel
