Sulmet mbi disa rajone të vendit, Ukraina rrëzon nëntë dronë të Rusisë 16/04 21:19
Një grua është gjetur e vdekur në një shtëpi në Londër. Policia evakuon zonën, pasi gjeti 'materiale të rrezikshme' në banesë
Një grua është gjetur e vdekur në një shtëpi në Stoke dhe pesë mjekë janë shtruar në spital pas kontaktit me mjete të rrezikshme.
The Sun rapoton se vdekja e gruas po trajtohet si e pashpjegueshme, ndërsa policët kanë filluar hetimet.
Zëdhënsi i policisë tha që ka shumë gjasa që vdekja e gruas të ketë ardhur nga dëmtimet me materiale të rrezikshme.
“Trupi i një gruaje u gjet i pajetë në një shtëpi në Stoke. Vdekja e saj po trajtohet si e pashpjegueshme, ndaj do të pritet për përgjigjen e autopsisë“, theksoi zëdhënësi i policisë.
Policia bën me dije se po vlerësohet vendi i ngjarjes dhe se pesë mjekë janë dërguar në spitalpër kontrolle paraprake për efektet e mundshme të materialeve të dyshuara, me të cilat kanë pasur kontakt.
Policia gjithashtu konfirmon se edhe fqinjët janë evakuar dhe zona është rrethuar dhe është nën kontroll të rreptë.
Top Channel
