“Prokurori alla Enver Kadri! Meqë je kaq trime, hajde ikim në gjykatë”, Ndreca dhe Vokshi vijojnë përplasjet te “Shëndetësia”, deputetja: Një person në konflikt interesi… 25/04 13:11
Presidenti i Republikës, Ilir Meta është pritur në një takim nga kongresmeni Eliot Engel, në SHBA.
Presidenti i vendit, me anë të një postimi në rrjetin social “Facebook”, e konsideron kongresmenin Engel një mik të shqiptarëve dhe shton se pjesë e bisedës së tyre ka qenë vlerësimi i partneritetit strategjik dhe forcimit të marrëdhënieve shqiptaro-amerikane.
“Përherë i lumtur të takohem me mikun e çmuar të kombit shqiptar, Eliot Engel, Kryetar i Komisionit për Politikën e Jashtme në Kongresin Amerikan.
Në bisedën e përzemërt dhe të hapur, vlerësuam rëndësinë e partneritetit strategjik dhe forcimit të mëtejshëm të marrëdhënieve të shkëlqyera shqiptaro-amerikane.
Si njohës i shkëlqyer i rajonit, ai është edhe një përkrahës i angazhimit të vazhdueshëm të SHBA për të konsoliduar të gjitha arritjet e deritanishme në Ballkan për paqen, stabilitetin, sigurinë, demokracinë e shtetin ligjor, dhe forcuar lidhjen tonë transatlantike”, shkruan Presidenti në “Facebook”.
Top Channel
