Aleanca për Ardhmërinë e Kosovës, po kërkon sqarim për rolin e Glauk Konjufcës gjatë ditës së sotme, kur edhe u votua qeveria e re. Sipas tyre ish-kryetari i Kuvendit të Kosovës, Glauk Konjufca gjatë miratimit të Qeverisë ka votuar për miratimin e saj, e po ashtu edhe për zgjedhjen e tij si ministër i Jashtëm.
Shkumbin Demaliaj nga AAK në një konferencë për media të mbajtur sonë, tha se kjo përbën konfuzion të madh.
“Gjatë fjalimit Teuta Haxhiu ka kërkuar sqarim (Video) “Përbën konfuzion të madh lidhur me atë se kush duhet të nënshkruajë aktin e miratimit të Qeverisë së Kosovës, që është detyrë ekskluzive kryesisht e kryetarit të Kuvendit. Në këtë rast gjatë fjalimit deputetja Teuta Haxhiu, gjatë debatit që është bërë për qeverinë, iu ka drejtuar kryetarit Konjufca se a keni dhënë dorëheqje a jo, dhe përgjigja ka qenë jo, këtë e dinë të gjitha mediat dhe gjithë kuvendi, sepse pyetja ka qenë publike”, tha ai.
Ai tha se për këtë ekspertët duhet ta thonë fjalën e vet, pasi sipas tij është shkelje e madhe.
“Po shihet haptas se është një shkelje e madhe në rastin e nënshkrimit të miratimit qeverisë që duhet ta bëjë kuvendi. Në anën tjetër shohim edhe diçka tjetër, neve kemi marrë rendin e ditës të mbledhjes së jashtëzakonshme të Kryesisë së Kuvendit. Pas miratimit të qeverisë, Kryesia e Kuvendit është mbledhur aty, zyrtarisht është vetëm një pikë e rendit të ditës, nuk është diskutuar për dorëheqjen e kryetarit Konjufca, është thirrje e seancës së jashtëzakonshme… Kjo bëhet me kërkesë vetëm që të votohet kryetarja e re, Vjosa Osmani”, ka shtuar Demaliaj.
Krahas kësaj, ai ka bërë të ditur që pas konsultimeve me ekspertët do i drejtohen edhe Gjykatës Kushtetuese.
Demaliaj: Nëse është shkelje kushtetuese, do t’i drejtohemi gjykatës (Video) “Neve do të konsultojmë ekspertët, kemi konsultuar e shohin se është konfuzion, dhe ta shohim gjatë ditëve në vazhdim nëse parashihet që është shkelje kushtetuese do t’i drejtohemi mekanizmit institucional që është Gjykata Kushtetuese e Kosovës për ta trajtuar këtë rast më tutje”, tha ai.
Teuta Haaxhiu nga AAK tha se nuk kanë marrë asgjë me shkrim për të sqaruar rolin e Glauk Konjufcës, për çka tha se do të shohin ditëve në vijim se si do të sqarohet pozicioni i tij gjatë ditës kur u votua qeveria e re, raporton KosovaPress
Top Channel
