Akuzohet për spiunazh në favor të Rusisë dhe Iranit, arrestohet punonjësi i ambasadës amerikane në Oslo 22/11 22:38
Vladimir Putin mund të bëhet së shpejti ‘Lideri Suprem’ i Rusisë kur të tërhiqet nga posti i presidentit sipas ndryshimeve të propozuara në kushtetutën e vendit.
Zyrtarë të Kremlinit konfirmuan se titulli ishte një nga disa propozime që po shqyrtohen, por nuk i dhanë shumë rëndësi pasi Putin “nuk kërkon të përzihet” në të.
Propozimi është avancuar nga një komision qeveritar që po analizon ndryshimet kushtetuese, të cilët në Perëndim konsiderohen si përpjekje e Putin për të sunduar përtej mandatit të presidencës që i mbaron në 2024.
Dhoma e ulët e parlamentit rus Duma, ka miratuar reformat me një votë paraprake.
Ndërkohë propozimet janë nga më të ndryshmet: “Një prej tyre për shembull, riemërimi i postit të kreut të shtetit në ‘Lider Suprem’”, tha për mediat Pavel Krasheninnikov, zv. kryetar i komisionit, i cili shtoi se kjo ishte vetëm një prej propozimeve dhe nuk do të zbatohet detyrimisht.
“Për momentin jemi në fazën e diskutimeve”, tha zëdhënësi i Kremlinit, Dmitry Peskov. “Presidenti Putin nuk ka një opinion për këtë.’
Propozime të tjera përfshinin njohjen e Rusisë si “fuqi fitimtare” në Luftën e Dytë Botërore si dhe njohjen zyrtare të kristianizmit ortodoks si feja kryesore e vendit.
Top Channel
