Aeroplani u rrëzua në Kazakistan, reagon sërish Azerbajxhani: Rusia është zotuar se do t’i ndëshkojë përgjegjësit e aksidentit 30/12 22:46
Një agjenci iraniane lajmesh pretendon se një drejtues në radhët e CIA-s, i cili orkestroi ekzekutimin e gjeneralit Qassem Suleimani, është në mesin e personave që humbën jetën një ditë më parë nga rrëzimi i avionit në Afganistan. Raporti i dyshimtë i saj vjen në kohën kur Pentagoni e mohoi që avioni i tij E-11A të jetë qëlluar nga Talibanët, por deklaroi se ai ka rënë vërtet në zonën Dih Yak.
SHBA nuk dha detaje për viktimat, megjithatë mediat iraniane dhe faqet e lajmeve të lidhura me Kremlinin shkruajnë se në mesin e të vdekurve ishte dhe Michael D’Andrea, shef i CIA-s që besohet se gjurmoi Osama bin Ladenin e që njihet dhe me nofkat “’Princi i Errët” e “Ajatollahu Mike”.
Agjencia iraniane e propagandës, Mehr News, raportoi se D’Andrea, i cili ka luajtur rol kryesor në zbulimine shumë akteve terroriste, e madje edhe në organizimin e vrasjes së komandantit të Forcave Quds, ndodhej në avionin e rrëzuar. Kjo agjenci i referohej faqes pro-Kremlinit, Veterans Today, e cila citonte burime të inteligjencës ruse të pohonin se D’Andrea ështe vrarë dhe se informacione të rëndësishme të inteligjencës, kanë rënë në duart e atyre që gjetën avionin. Sipas kësaj faqeje madje, avioni i rrëzuar nuk ishte një mjet standard komunikimi i Shteteve të Bashkuara, por qendra e komandës së lëvizshme të D’Andreas. Agjencia iraniane Tasnim e cilëson – ‘D’Andrean si figurën më të shquar të CIA-s amerikane në Lindjen e Mesme.’
Top Channel
