Konfirmohet përbërja e re e Komisionit Evropian, mandati 5-vjeçar me në krye Ursula von der Leyen nis më 1 dhjetor 27/11 12:36
Ambasada kineze në Paris ka gjurmuar një grua nga Wuhan e cila tha se mori tableta për të kaluar kontrolle shëndetësore në aeroport.
Gruaja ‘mburrej’ në mediat sociale se vuante nga një ethe, por arriti të zvogëlojë simptomat e saj me ilaç.
Më vonë ajo postoi fotografi ku tregohej se ishte duke ngrënë në atë që pretendonte se ishte një restorant luksoz në Lyon.
“Më në fund mund të ha një vakt të mirë, ndjehem sikur kam vdekur nga uria për dy ditë. Kur jeni në një qytet si ky natyrisht duhet të hani ushqim cilësor”, ka shkruar ajo.
“Vetëm para se të largohesha, kisha ethe dhe kollë të ulët. Unë u tremba deri në vdekje dhe nxitova të pija ilaçe. Vazhdova të kontrolloja temperaturën time. Për fat të mirë arrita ta zbres dhe dalja ime ishte e qetë. ”
Ambasada ka konfirmuar tani që simptomat e saj janë nën kontroll. Gruaja u largua nga Wuhan – ku koronavrius i ri u shfaq në fund të vitit të kaluar – përpara se fluturimet të ishin pezulluar.
Që prej ditës së djeshme, transporti publik është mbyllur, me banorët u tha të mos largohen nga qyteti.
Të paktën 26 persona me virus kanë vdekur. Virusi u raportua për herë të parë nga Organizata Botërore e Shëndetit më 31 Dhjetor.
Virusi është përhapur në vendet deri në Korenë e Jugut, Japoni dhe SH.B.A.
Top Channel
