Një aksident i rëndë është shënuar në Kavajë rreth orës 17:05 të ditës së martë, ku si pasojë ka ndërruar jetë një 22-vjeçar.
Shkak i aksidentit dyshohet të jetë bërë një parakalim i gabuar.
Burime për Top Channel bëjnë me dije se ai është Orgest Lasku dhe punonte si mekanik në fshatin Zhamë.
Kavajë/Informacion Paraprak.
Rreth orës 17:05 në aksin rrugor Rrogozhinë- Kavajë automjeti me drejtues shtetasin O. L.,22 vjeç, si shkak i një parakalimi të gabuar ka devijuar nga aksi rrugor duke u përplasur me trafikndarësen.
Si pasojë e daljes nga rruga, ka ndërruar jetë drejtuesi i automjetit shtetasi O. L.
Grupi hetimor ndodhet në vendngjarje, ku vijon punën për sqarimin e rrethanave të ngjarjes dhe shkakut të aksidentit.
Top Channel
