Dëbimi i zyrtarëve iranian, reagon Departamenti Amerikan
16/01/2020 22:32
Shkolla e Magjistraturës shpall listën përfundimtare të konkurrentëve për fazën e dytë, shtohen edhe 10 kandidatë të tjerë
24/04 18:59
Zëdhënësja e Departamentit Amerikan të Shtetit, Morgan Ortagus ka përshëndetur dhe lavdëruar vendimin e qeverisë shqiptare për të dëbuar nga vendi dy diplomatët iranianë.
Këtë të mërkurë qeveria shqiptare njoftoi për dëbimin e dy zyrtarëve iranianë, shtetasit Seyed Ahmed Hosseini Alast dhe Mohamed Peimanemati. Me publikimin e lajmit, Zëri Amerikës raportoi se këta dy diplomatë kishin qenë bashkëpunëtorë të gjeneralit të vrarë iranian Qassem Suleimani.
Në statusin e saj, zëdhënësja Morgan Ortagus thotë se Departamenti Amerikan i Shtetit lavdëron vendimin e qeverisë së Shqipërisë për të dëbuar dy diplomatët e ashtuquajtur si të tillë. Regjimi iranian – thotë zëdhënësja e Departamentit Amerikan të Shtetit vazhdon të përdorë objektet e tij diplomatike në Evropë dhe gjetkë si mbulesë për të komplotuar sulme terroriste, si dhe për të kërcënuar dhe spiunuar iranianët që jetojnë jashtë.
Top Channel
