Çfarë mendonte në të vërtetë Mbretëresha Elizabeth II për Meghan Markle? Flet eksperti mbretëror 23/11 14:29
Agjencia amerikane e hapësirës NASA ka raportuar se ka zbuluar një planet të ri që rrotullohet rreth dy diejve.
Ky është zbulimi i parë i tillë i një satelit të ri nga agjencia për gjetjen e planetëve e njohur si TESH, por më interesante është se ai u gjet nga një gjimnazist i cili punonte si praktikant, dhe atë në ditën e tretë të punës së tij.
“Shikova të dhënat që vullnetarët i përshkruanin si eklipsi i një sistemi binar, një sistem ku dy yje rrotullohen nga njëra-tjetra dhe eklipsojnë orbitën e njëri-tjetrit nga pamja jonë,” shpjegoi 17-vjeçari Wolf Kukier.
Ai pa një sinjal nga një sistem i quajtur TOI 1338, por mendoi se ishte një eklips. Pastaj e kuptoi që ishte gabuar dhe se e kishte gjetur në të vërtetë planetin, transmeton KosovaPress.
Planeti i ri u emërua ‘TOI 1338 b’ për shkak të sistemit në të cilin ndodhet, dhe është afërsisht 1300 vit drite nga Toka.
Planeti është 6,9 herë më i madh se Toka – është diku midis Neptunit dhe Saturnit. Gjithashtu është e pamundur që ndonjë formë e jetës të gjendet në të.
Të dy yjet orbitojnë njëra-tjetrën për 15 ditë. Njëra është rreth 10 për qind më masive se Dielli ynë, ndërsa tjetra është më e ftohtë, e errët dhe aq e madhe sa një e treta e Diellit.
Top Channel
