Tentoi të vriste një punonjës policie, kapet në Belgjikë 45-vjeçari
09/01/2020 12:22
Aksident në Korçë, makina përplas personin me monopatinë
26/12 19:48
Një 45-vjeçar nga Vlora, i kërkuar për vrasje të mbetur në tentative ka rënë në pranga dhe është deportuar nga Belgjika në Shqipëri.
Shkëmbimi i informacioneve mes Interpol Tirana dhe olicisë belge bëri të mundur identifikimin, lokalizimin dhe kapjen e shtetasit Dritan Xhelita, 45 vjeç, banues në Vlorë.
Gjykata e Apelit Tiranë, në vitin 2016, e ka dënuar këtë shtetas me 14 vite burgim, për veprën penale të “Vrasja në rrethana cilësuese, e mbetur në tentative” ndaj punonjësit të Policisë P. Y. Policia Kufitare e Rinasit ia ka dorëzuar shtetasin e lartpërmendur Drejtorisë Vendore të Policisë Vlorë, ku dhe është bërë ekzekutimi i vendimit të gjykatës për këtë shtetas.
Policia e Shtetit falënderon autoritetet policore belge për bashkëpunimin mjaft të mirë me Policinë e Shtetit dhe për reagimin profesional e në kohë për rastin konkret.
Top Channel
