“Ferri mbi tokë”/ Trump kërcënon Hamasin, paralajmëron NATO-n!
08/01 13:43
Çfarë mund të thotë sot një ekspozitë kur gjërat janë tejet të shpërfaqura. Sepse edhe vetë qëllimi dhe kuptimi i fjalës ekspozitë është të tregojë. Po sikur të ndodhë e kundërta?
Sikur në një ekspozitë punët të fshihen? Ashtu sikurse ndodh në këtë ekspozitë ku një pjesë e madhe e pikturave të fondit të Galerisë të zhvilluara përgjatë viteve 1946-1985 janë të mbuluara. Një pjesë tjetër nuk janë të tilla, sepse është bërë e qëllimshme kjo, në mënyrë që vëmendja e publikut të orientohet tek disa prej tyre. Bëhet fjalë për ekspozitën “Tirana Patience”, që përveç kësaj ka edhe një element tjetër. Këtu brenda janë shtuar punët e 17 artistëve të tjerë, kryesisht në video art që ka në fokus atë periudhë kohore.
Kontribuesit në “Tirana Patience” shqyrtojnë më nga afër këtë gjendje të “imagjinares së shoqërisë reale” – shoqërive tona, në Evropë dhe më gjerë – përmes veprave dhe prezantimeve të tyre. Këto u prodhuan në periudhën pas revolucioneve sociale dhe politike në Evropën Lindore, Qendrore dhe Jugore
Është komentuar shumë edhe një mbulesë përgjatë gjithë godinës jashtë GKA. Bëhet fjalë për nje thes i ardhur nga Gana. Një thes i cili shërben për transportin e kakaos aty. Këtu qëllimi i artistit ka qenë të tregojë kontradiktën. Është frymëzuar nga “Pallati i Ëndrrave” të Ismail Kadaresë. Kontradikta në histori dhe kontradikta brenda godinës ku ai punon.
Artisti I këtij instalacioni të quajtur “Thasë Jute” është Ibrahim Mahama lindur në Ganë. Në punën e tij ai është I interesuar për mbetjet dhe se si ndikojnë ato tek estetika e përgjithshme.
E gjithë kjo ekspozitë Tirana Patience ishte menduar të çelej në 27 nëntor, por pa zhvillimeve të tërmetit të 26 nëntorit, ajo u hap pa asnjë ceremoni të veçantë. por tashmë qëndron e hapur dhe e aksesueshme për publikun në GKA pas përfundimit të inspektimit, sepse edhe GKA ashtu si një pjesë e madhe e institucioneve ka patur dëmtimet e saj.
/Jetona Kocibelli/
Top Channel
