“Martin sot na sheh nga lart”/ Qirinjtë qëndrojnë ende të ndezur në vendin ku u vra 14-vjeçari: Nuk do t’i harrojmë kurrë sytë e tu të bukur si deti 23/11 23:05
Partizani ka fituar derbin e fundit të vitit 2019 me Tiranën në basketboll për meshkuj. Në ndeshjen e zhvilluar në pallatin e sportit “Asllan Rusi”, për shkak të problmeve me tabelën e pikëzimit në Farie Hoti, gjithçka u mbyll në favor të të kuqve që e udhhoqën takimin thuajse gjatë gjithë kohës.
Të pranishëm në këtë ndeshje derbi kanë qenë një pjesë e mirë e tifozëve të Tiranës dhe disa të Partizanit të cilët u munduan herë pas here t’i jepnin emocion skuadrave përkatëse.
Tirana e ka hapur me një trepikësh të Voglit e më pas gjithçka deri në mesin e periodës së parë është udhëhequr nga djemtë e Erkand Karajt. Pas barazimit 7-7, Partizani merr kontrollin e ndeshjes dhe fiton periodën e parë 21-25. Të njëjtën gjë bën dhe në periodën e dytë, që e ka fituar 16-18, dhe në pushim ka kryesoar 37-43.
Pas pushimit, Tirana mundohet të reagojë. Fiton periodën e tretë 18-15 dhe afrohet në tre pikë, 55-58. Partizani nuk toleron më. 14-20 perioda e katërt dhe në përfundim 69-78. Por nuk mund të ketë një ndeshje derbi pa u ndjerë dhe tensioni i tifozerisë.
Kanë qenë lojtarët dhe një pjesë e mirë e stafit bardheblu që ka ndihmuar edhe policinë të evitohej ndonjë incident i mundshëm me tifozët. Ndërkohë që shembullin mët ë mirë të fair playt sportiv e dhanë basketbollistët e të dyja skuadrave në mbyllje të takimit me përqafimet miqësore mes tyre, pavarësisht rezultatit.
Endi Tufa
Top Channel
