Ka përfunduar procesi i votimit në Këshillin e Lartë të Prokurorisë për të zgjedhur drejtuesin e Prokurorisë kundër korrupsionit dhe krimit të organizuar (SPAK). Arben Kraja do të jetë drejtuesi i SPAK.
Altin Dumani, Arben Kraja dhe Edvin Kondili ishin tre prokurorët që garuan për kreun e SPAK, por në fund ishte Kraja që mori gjashtë votat e nevojshme të anëtarëve të KLP-së për t’u zgjedhur kryetar. Anëtarët e KLP-së Beci, Staka, Beluri, Sheshi, Seiti dhe Balla vlerësuan te prokurori Kraja eksperiencën në drejtim dhe në menaxhim të burimeve njerëzore.
Sa i përket dy kandidatëve të tjerë në garë, Altin Dumani mori katër vota, ndërsa Edvin Kondili vetëm votën e kreut të KLP-së, Gent Ibrahimi.
Me zgjedhjen e kryetarit dhe me betimin e 8 prokurorëve te Presidenti i Republikës, tashmë ngritja e SPAK është përfundimtare dhe institucioni do të fillojë menjëherë nga puna.
SPAK-u
Kryetar – Arben Kraja
Anëtarët – Elida Kaçkini, Enkeleda Millonaj, Edvin Kondili, Behar Dibra, Klodian Braho, Ened Nakuçi dhe Altin Dumani.
Top Channel
