Pas Mamurrasit, kryeministri Edi Rama ka shkuar në Kurbin ku ka takuar të tjerë banorë të prekur nga tërmeti i 26 nëntorit të cilët u janë dëmtuar edhe banesat.

Kryeministri Rama ka parë nga afër situatën, ndërsa ka debatuar me disa banorë.

“Kam lënë punën në Zvicër dhe kam ardhur të shoh dy prindërit. Askush si ka ndihmuar. As ndihma, as çadra. Jetojmë sa jashtë-brenda, muri po bie”, tha njëra nga banoret.

“Ja nisën me akuzat”, tha Rama.

Banorja: Kam lënë punën atje, se punoj për copën e bukës. Punoj 14 orë. Po rrogat këtu nga 200 mijë lekë…

Rama: Këtë pjesën ‘punoj për copën e bukës’ nuk e pranoj. S’ka shqiptar që vuan për copën e bukës. Nuk ka. (Ngre zërin) Këtë shprehje se pranoj. As në Mesjetë nuk ka vuajtur shqiptari për copën e bukës.

Banorja: S’po them se vuaj për copën e bukës se punoj.

Top Channel