Dy milionë euro dëm/ Prokuroria e Tiranës dërgon në gjyq 38 shqiptarë dhe një shtetas izraelit, skemë mashtrimi me call centera 30/11 11:10
Përpjekja e qeverisë për disiplinuar xhunglën e portaleve online, kanë shkaktuar debate të forta në Komisionin për Edukimin dhe Mjetet e Informimit Publik. Shoqatat që mbrojnë të drejtat e gazetarëve mendojnë se ky draft ligj mund të kufizojnë lirinë e medias shqiptare.
Mimoza Kociu nga shoqata e gazetarëve profesionistë tha në komisionin parlamentar se këto shqetësime për draft-ligjet nuk është një histori e re.
Në këtë tentativë të nevojshme për ti vënë fre abuzimeve dhe prodhimit të fake news nga portalet anonime, qeveria është duke u përballur edhe me sugjerimet e ndërkombëtarëve. Në komisionet parlamentare një ditë më parë përfaqësues të OSBE, BE, Këshillit të Europës dhe UNDP, kërkuan rishikimin e variantit të tretë të projekt-amendamenteve të ligjit për median.
Në thelb ligji kërkon të vërë rregull dhe të zbardhë çështjen e pronësisë, financimeve si dhe të detyrojë mediat on line që ti përgjigjen ligjit veçanërisht kur dezinformojnë apo prodhojnë fake news. Ndërkombëtarët kanë kërkuar që ligji të detyrojë portalet, heqjen e pjesëve të papërshtatshme në publikimet e tyre.
Në Shqipëri aktualisht janë mbi 800 portale, pjesa dërmuese e të cilave notojnë në informalitet.
Top Channel
