Masakër në një universitet në SHBA, dy të vdekur dhe tetë të plagosur. Arratiset autori 14/12 01:07
Me qindra vetë të veshur si babagjyshë të vitit të ri kanë marrë pjesë në garën e përvitshme të krishtlindjeve në Guadalahara të Meksikës. Ky është një event i pritur me padurim në këtë qytet, të cilin duket arrin ta zhysë edhe më fort në shpirtin e festës.
“Ne vijmë të gjithë të veshur si Santa Claus. Ky është praktikisht një lloj homazhi që ne bëjmë për Krishtlindjet”- tha një garuese.
“Është shumë bukur; këtu marrin pjesë edhe familje të tëra, kështu njerëzit hyjnë edhe më shumë në atmosferën e festës, është fantastike”- u shpreh një garuese tjetër.
Mes kostumeve në ngjyrë të kuqe e të bardhë të babagjysëve, gjen edhe nga ato të personazheve te tjera të njohura tashmë të kësaj feste, siç janë drerët apo edhe Grinchi jeshil.
Gara e hareshme, që nuk është vërtet një kompeticion, është organizuar në të kaluarën për një kauzë të mirë, sepse paratë e mbledhura nga biletat, janë për të blerë dhurata fëmijëve me aftësi të kufizuara.
Mes të gjithë festave të krishtera, Kërshendellat mbeten padyshim ato më të famshmet e më të kremtuarat, dhe magjinë e këtij sezoni, njerëzit në të gjithë botën, kanë nisur ta ndiejnë tashmë.
Top Channel
