Analiza e CNN/ Demokratët triumfojnë në të gjitha frontet zgjedhore, ja cilat janë konkluzionet para “luftës” për senatin në mes të mandatit të Trump 05/11 13:09
Muhabiri Yalçın
Turqia ka reaguar ashpër pas plagosjes së Muhabiri Yalçın, fotoreporter i Anadolu Agency (AA), i cili po ndiqte nga afër protestat që po zhvillohen në Francë.
Kryetari i Kuvendit të Madh Popullor të Turqisë, Mustafa Şentop, duke folur për plagosjen e Yalçın, tha se ndërhyrja e forcave franceze të rendit ka kaluar dimensionin e dhunës dhe po avancon drejt një terrori shtetëror. Ai rikujtoi se fotoreporteri i AA-së është plagosur nga policia franceze gjatë ndjekjes së protestave në Paris.
Şentop, njoftoi se fotoreporteri Yalçın është plagosur pasi një bombë plastike ka depërtuar helmetën e tij.
“Fotoreporteri i AA-së i akredituar në Francë gjendej për të ndjekur protestat demokratike. Por, informimi i botës për qëndrimin çnjerëzor të policisë franceze ndaj protestuesve duhet të ketë bezdisur policinë franceze. Intervenimi i policisë në Francë ndaj protestuesve tashmë ka kaluar dimensionin e dhunës, duke avancuar drejt terrorit shtetëror”, tha Şentop.
Ai theksoi se me këtë mund të shohin qëndrimin dyfytyrësh të vendeve perëndimore.
Yalçın, u plagos në syrin e majtë më 5 dhjetor nga një bombë plastike e hedhur nga policia franceze derisa ai ndiqte protestat kundër politikave të pensioneve në Francë.
Parisi dhe qytete të tjera janë bllokuar nga protestat e shumta që kundërshtojnë planet e presidentit Emmanuel Macron për reformën e pensioneve.
Sindikatat e Francës pretendojnë se reformat do të detyrojnë shumë njerëz të punojnë më gjatë për një pagesë më të vogël në pension.
Top Channel
