Motrat siameze tregojnë për djemtë, si ngasin makinën, biçikletën

Ebi dhe Britani Hensel janë dy motra siameze të cilat morën famë pasi u shfaqën në një episod të emisionit të Opra Uinfrejt në vititn 1996.

Dy vajzat 29-vjeçare janë të bashkuara në trup, dhe secila kontrollon njërën anë të trupit.

Ato kanë mësuar të punojnë si një njeri i vetëm, dhe të bëjnë gjëra që njerëzit nuk mendonin se do t’i bënin dot.

Vajzat kanë lindur në Minesota të SHBA-ve në vitin 1990, dhe prindërit nuk e dinin që po prisnin binjake, pasi dy kokët nuk ishin shquar në EKO.

Pasi lindën, mjekët nuk prisnin të jetonin as edhe një natë, por ato tani kanë mbaruar shkollën për mësuesi.

Kur lindën, vajzat kishin edhe një krah të tretë, por që u hoq pa probleme kur ishin ende të vogla.

Prindërit s’kanë menduar kurrë të përpiqen t’i ndajnë, nga frika se mos njëra prej tyre dëmtohet rëndë ose humb jetën. As vajzat nuk e duan një gjë të tillë.

Top Channel