IKMT: Ja ecura për prishjen e objekteve

Njoftimi:

Inspektorati Kombëtar i Mbrojtjes së Territorit informon se situata për prishjen e objekteve në zonat e prekura nga tërmeti i 26 Nëntorit 2019, sot dt.03.12.2019 është:

Prishje objektesh në total janë gjithsej 20 objekte, nga të cilat:

8 objekte (specifikisht 2 objekte 2-katëshe 6 objekte 5-katëshe) janë prishur në qytetin e Thumanës dhe;

12 objekte (specifikisht 1 objekt 2 -katësh; 4 objekte 3-katësh, 3 objekte 4-katësh ,1 objekt 5 –katësh, 2 objekte 6-katësh dhe 1 objekt ) në Durrës.

Po pregatiten për prishje disa objekte në Durrës si më poshtë:

• 1 objekt 3-katësh në Shkozet, Autostradë, Durrës (planifikuar të prishet me shpërthim të kontrolluar nga forcat xhenio të Ministrisë së Mbrojtjes;
• 1 objekt 5-katësh në Shkozet, Autostradë, Durrës (planifikuar të prishet me shpërthim të kontrolluar nga forcat xhenio të Ministrisë së Mbrojtjes);

Filloi prishja dhe po vazhdohet të punohet për prishje:

• Ka filluar prishja e një objekti 3 -kate +papafingo në Shkozet; (autostradë) Durrës
• Vijon prishja e një objekti 5-katësh tek Lagjja Kënetë, Durrës
• Vijon puna për prishjen e objektit 5-katësh, hotel “Ljubana”;

Vijon puna për copëtimet dhe pastrimet e inerteve në këto objekte:

• Në objektin afër Kompleksit “Tropikal;
• Në shtëpinë e Familjes Reci, në qytet Durrës ;
• Në Kompleksin Miramare”;
• Në hotel ”Vila Verde”
• Tek ndërtesa e Familjes Lala në Kënetë;
• Tek objekti në Durrës tek Rr”Bashkimi”
• Në objektin në Rr”Mujo Ulqinaku”, Durrës.

Në Thumanë:

Aktualisht në Thumanë po prishet një objekt 5-katësh.

Top Channel