Arbitri thith kokainë?! Brenda pak ditësh ndryshon jeta dhe karriera e gjyqtarit anglez 14/11 15:54
Rikthehet këtë të enjte Europa League në raundin e 5-të të ndeshjeve në grupe, ndeshjet që do të luhen ditën e sotme do të përcaktojnë shumë në ecurinë e skuadrave që priten që të kalojnë në fazën tjetër. Tre takime do të luhen në orën 16:50, ku më i spikaturi është dueli që do të transmetohet në platformën Digitalb, mes Krasnodarit dhe Baselit.
Zviceranët e kanë siguruar një biletë kualifikuese si të parët në grup, ndërsa rusët do të luftojnë me Getafen për vendin e dytë, dhe do të japin më të mirën e tyre për ta fituar këtë sfidë. Shqiptari Taulant Xhaka nuk do të jetë i disponueshëm për këtë sfidë për shkak se është i skualifikuar pasi ka plotësuar numrin e kartonëve të verdhë.
Përsa i përket sfidave që do të luhen në orën 18:55, ndeshja më e rëndësishme konsiderohet ajo mes Basaskehir dhe Romës që do të luhet në Stamboll. Turqit edhe pse u mposhtën me rezultatin e thellë nga Roma në ndeshjen e parë, në mënyrë surprizë kryeson grupin J me 7 pikë, dy më shumë se ekipi roman, që për të vazhduar aventurën e tyre në Europa League duhet të bëjnë çmos për të fituar ndaj Instanbul Basaksehir. Edhe në grupin G situata shikohet mjaft interesante dhe një sfidë që përbën interes të madh është ajo midis Young Boys dhe Portos.
Helvetët kanë 3 pikë më shumë se luzitanët dhe do të mjaftoheshin edhe më një barazim në këtë sfidë, ndërsa Porto nuk ka rrugë tjetër për të vazhduar më tej në tur dhe do të kërkojë me çdo kusht fitoren. Në orën 21:00, Arsenali pret Frankfurtin në një sfidë që mund të vendosë shumë në ecurinë e të dyja skuadrave në këtë kompeticon.
Anglezët renditen të parët në grupin F dhe një barazim do të ishte i mjaftueshëm për të siguruar kualifikimin, në ndeshjet direkte të eliminatorëve. Në Digitalb nuk do të mungojë as dueli mes Lazios dhe Cluj.
Italianët luajnë sot shansin e fundit nga ato mundësi të pakta që kanë për t’u kualifikuar, pasi duhet që të mposhtin rumunët me rezultatin 1-0 ose me 2 gola e sipër diferencë dhe më pas duhet të fitojnë edhe ndaj francezëve të Rennes dhe më pas të kryqëzojnë gishtat që Celtic të mposhtë Cluj për të qenë Lazio skuadra që do të renditet e dyta në grupin E. Sporting -PSV Eindhoven është një tjetër takim interesant që vjen në platformën Digitalb në orën 21:00 që nuk duhet të humbur pasi në Lisbonë luhen fatet e grupit D.
Top Channel
