E akuzon për spiunazh, Rusia dëbon diplomatin britanik: Ke dy javë kohë të largohesh nga vendi 26/11 13:51
Një grua gjermane, e dyshuar si pjesëtare e shtetit islamik, do të riatdhesohet së bashku me tre fëmijët e saj.
Kjo është hera e parë që ndodh diçka e tillë në Gjermani. Revista Spiegel e identifikoi 30 vjeçaren si Laura H., nga rajonet qendrore të vendit, e tha se ajo ishte larguar në vitin 2016 për tu bashkuar me xhihadistët.
Laura dhe fëmijët jetojnë në kampin e Al Holit të kontrolluar nga kurdët në veri të Sirisë, ku gjenden edhe më dhjetëra shqiptarë. Ajo do të kthehet në vendlindje gjatë ditëve në vazhdim, pasi të udhëtojë përmes qytetit irakian të Irbilit. Raportet në media tregojnë se autoritetet gjermane e kanë hetuar me kujdes këtë nënë të re si në lidhje me dyshimet mbi rolin e saj në organizatën terroriste, ashtu dhe për neglizhim të fëmijëve.
Gratë e “Isis-it” janë përballur më parë me procese gjyqësore e dënime me burg në Gjermani, por ndjekja penale ka qenë e kufizuar drejt subjekteve që janë kthyer mbrapsht me dëshirën e tyre apo janë ekstraduar nga shtete të tjera. Në rastin e Laurës, është hera e parë që riatdhesimin e një të dyshuare të tillë e bëjnë vetë autoritetet gjermane. Përveç fëmijëve të saj, gruaja ka nën kujdestari edhe një vajza 2 vjeçare me nënshtetësi amerikane, e cila duket është fëmija i bashkëshortit të saj nga një martesë e mëparshme. Besohet se në kampet e Sirisë ka mbi 80 pjesëtarë gjermanë të Shtetit Islamik.
Irida Vasia
Top Channel
