Trump tërhiqet para kinezëve: Shërbimet e Google kthehen në Huawei?

Vendosja e Huawei në listën e zezë do të thotë që kompanive amerikane u ndalohet të tregtojnë pajisje kompjuterike dhe softuer me gjigantin e teknologjisë kineze, e cila rezultoi në humbje të mëdha nga të dy palët.

Në korrik, ministria njoftoi një plan për lëshimin e lejeve të posaçme për kompanitë lokale të teknologjisë, të cilat ende duan të vazhdojnë të operojnë me Huawei, i cili do të adresonte “përbërësit që nuk paraqesin një kërcënim të sigurisë kombëtare”.

Atëherë doli që 130 ndërmarrje amerikane kanë një interes shumë të fortë të biznesit për të rinovuar bashkëpunimin e tyre që kur ata aplikuan për licencë, transmeton KosovaPress.

Sipas informacionit të fundit, ky numër është dyfishuar tani, gjë të cilën sekretari i Tregtisë së SHBA Wilbur Ros e pranoi në një intervistë për Bloomberg.

Ai deklaroi se lista tani përfshin 260 kompani të cilave do t’u jepet licenca për të vazhduar bashkëpunimin me Huawei “në një afat të shkurtër”.

Kompanitë e raportuara aktualisht po kalojnë një proces verifikimi dhe për këtë arsye ato nuk pritet të marrin ‘dritën e gjelbër’. Padyshim që kompania më e rëndësishme në listë është Google.

Për shkak të mungesës së shumicës së shërbimeve Android, pajisjet e reja premium të serisë Mate 30 të Huawei, në tregjet jashtë Kinës, po humbasin shumë konkurrencë.

Nëse Google merr leje, kompania kineze mund të kthehet në krye të tregut më të shitur në botë.

Deri më tani, nuk ka afate kohore kur duhet të jepen licencat, ose kur bashkëpunimi mund të rinovohet, shkruan GSM Arena.

Sidoqoftë, pasi “faza e Parë” e marrëveshjes tregtare SHBA-Kinë duhet të përfundojë deri në fund të këtij muaji, ndoshta mosmarrëveshja midis Google dhe Huawei nuk është aq larg.

Top Channel