Foto/ Modeli më i shitur, Volkswagen prezanton makinën e re
26/10/2019 06:36
S*ksi nuk i kënaq japonezët, ja çfarë thotë sondazhi i fundit/ Më të lumturit janë… 22/11 18:21
Volksvagen ka preznatuar mishërimin më të ri të golfit të tij ikonik me shpresën se vetura më e shitur e tij do të ndihmojë në financimin e kalimit tek era elektrike dhe do të krijojë urën lidhëse me makinat e së ardhmes.
Gjenerata e 8 e makinave jo shumë luksoze por të besuara dhe kompakte, nga të cilat janë shitur më shumë se 35 milionë që nga 1974, bëri debutimin e saj në një ceremoni në zyrat qëndrore të gjigantit gjerman në Wolfsburg.
Sidoqoftë, lançimi i Golf 8 ishte më pak glamoroz se ai i muajit të kaluar të ID.3, makinës së parë tërësisht elektrike të Volsvagenit, që zuri edhe vendin kryesor në panairin e makinave në Frankfurt dhe që simbolizon bastin 30 miliardë eurosh të grupit për makinat me zero-emetime.
Shtatë vite pas rifreskimit të fundit të modelit, Golfi i ri 8 del nëpër rrugë në një panoramë të ndryshuar. Volksvagen është prekur jo pak nga afera e mashtrimit për emetimet e karbonit, që vazhdon të rëndojë mbi industrinë dhe ka detyruar prodhuesit e makinave të respektojnë rregullore më të ashpra për ndotjen në BE.
Dhe përballë këtyre ndryshimeve, është e qartë për ekspertët, se golfi i ri, makina më e famshme e grupit pas beetle-t legjendar, po del në treg për të mbledhur para. Ai vjen në variantet dizel, benzinë, gaz natyral dhe hibrid dhe mund të jetë lamtumira e fundit e grupit për erën e karburanteve fosile.
Top Channel
