Ullinjtë mbesin pa vjelë/ Sipërfaqe të mëdha në Lushnjë të pashfrytëzuara prej mungesës së punëtorëve
24/11 12:50
Kompania analitike Growth from Knowledge (GfK) përpiloi një vlerësim të vendeve evropiane sipas fuqisë blerëse të popullatës. Në listën e 42 vendeve, Ukraina renditet e fundit, sipas ueb faqes së organizatës.
Sipas analizës, Lihtenshtajni zuri vendin e parë me një fuqi blerëse për frymë 67,550 euro, 4.5 herë më e lartë se mesatarja evropiane (14,739 euro). Në vendin e dytë dhe të tretë janë Zvicra (40,000 euro) dhe Luksemburgu (35,000 euro). Autorët e studimit nuk llogaritën fuqinë blerëse të banorëve rusë.
“Gjashtëmbëdhjetë shtete të konsideruara në studim kanë fuqi blerëse për frymë mbi mesataren, ndërsa 26 vende me një tregues nën mesataren evropiane”, thuhet në studim.
Tre vendet e fundit janë Moldavia, Kosova dhe Ukraina. Sipas kompanisë, fuqia blerëse e ukrainasve është 1,830 euro për frymë. Kompania shpjegoi se fuqia blerëse konsiderohet të ardhura pas zbritjes së taksave dhe kontributeve bamirëse. Kjo shumë përfshin të gjitha paratë e qeverisë që banorët shpenzojnë për ushqim, strehim, argëtim, shërbime, pazar dhe pushime.
Top Channel
