“Për Shqiptarët”/ Lindi vetëm 850 gram, vuajtjet dhe sakrificat e familjes së Valdrinit! 1 vjeçari në luftë për jetën 22/11 23:29
Tratativat mes trajnerit veteran Klaudio Ranieri dhe skuadrës së Sampdorias pësuan shumë oshilacione në javët e fundit, mes joshjes së teknikut për tu rikthyer në diskutim dhe kërkesave që skuadra nga Liguria i cilësonte të parealizueshme.
Por duket se kjo fundjavë ka sjellë akordin e shumëpritur që ka entuziazmuar tifozët, me shpresën se zbarkimi i ri në stol do rikthejë formacionin në kupat europiane.
Drejtuesit e Sampdorias dhe Klaudio Ranieri arritën të sheshojnë pengesat mes tyre dhe përveç se u sqarua situata teknike, u arrit edhe akordi ekonomik mes palëve. tashmë mbetet vetëm prezantimi në pankinën e ekipit italian.
Klaudio Ranieri kërkonte një kontratë dy vjeçare me të paktën 2 milionë Euro në sezon, por jo vetëm kaq.
Tekniku veteran që shkroi historinë me Lester Sitin në kampionatin anglez, para se karriera e tij të pësonte një rënie të ndjeshme, synon investime serioze nga klubi në merkaton e janarit, për të patur një kontigjent optimal.
Si për ironi të fatit pas pauzës prej ndeshjeve të kombëtareve, Ranieri do debutojë në shtëpi ndaj Romës, skuadra e zemrës që e shkarkoi. Sfumohet kështu pista që çonte ish trajnerin e Shqipërisë Xhani De biazi, në pankinën e Sampdorias.
Top Channel
