“Muzeu Etnografik i Kavajës, i rilindur”, kryeministri Rama ndan pamjet: Rrëfimet historike vijnë edhe përmes teknologjisë 14/11 16:16
Federata Shqiptare e Futbollit ka njoftuar tifozët shqiptarë që kanë shkuar në Stamboll për të ndjekur nga afër ndeshjen Turqi-Shqipëri se disa objekte dhe simbole nuk do të lejohen në Stamboll.
Vendimi është marrë nga Federata e Turqisë dhe bazohet në një ligj sportiv që nuk lejon vendosjen e shumë materialeve në stadium.
“Përtej gjithë insistimit dhe kërkesave të vazhdueshme ndaj zyrtarëve të ndeshjes, një pjesë e materialeve të tifozëve nuk mund të lejohen në stadium. Turqia ka një ligj sportiv që nuk lejon vendosjen e shumë materialeve në stadium”, thuhet në reagimin e FSHF-së.
Ndërkohë, është marrë konfirmimi se do të lejohen daullet për çdo grupim, flamurët shqiptar dhe shallet me logon e flamurit Kombëtar. Nuk lejohet asnjë megafon, baner ultrasësh i çdo tifogrupi, baner me imazhe personale, veshje që nuk kanë lidhje direkte me flamurin kuqezi siç mund të jenë ato me imazhin Autochtonus.
Nuk lejohen çantat e krahut dhe të shpinës, të gjithë duhet ti lënë në hotel ose në autobusat më të cilat udhëtojnë, pasi nuk është mundësuar një pike grumbullimi për ruajtjen e tyre.
Tifogrupet e organizuara duhet të nisen për në stadium në orën 18:00, për arsye të kontrollit të rreptë që do të ushtrohet në 3 pikat e kontrollit përpara hyrjes në stadium.
Top Channel
