“Meta dhe Kryemadhi mund të arrestohen në çdo çast”, Artan Hoxha: SPAK ka tentuar disa herë për ta bërë bashkëpunëtor… 26/04 20:35
Partia Demokratike përshëndeti vendimin e Komisionit të Venecias, i cili rrëzoi qeverinë për pronat me argumentin se paketës ligjore i ligjore i mungon jo vetëm qartësia dhe saktësia, por edhe se Këshillit të Ministrave i jepet një hapësirë shumë e gjerë rregulluese.
“Me këtë paragraf Komisioni Venecias përmbledh shumë qartë çdo gjë që ka bërë qeveria për pronën: ka shkelur kushtetutën, ka zaptuar pronën private dhe publike, ka marrë kompetenca që nuk i takojnë, duke ndarë prona private dhe publike me Korporatën e investimeve”, shprehet Tabaku.
Jorida Tabaku, e cila përfaqësoi demokratët në takimin që ekspertët e Venecias realizuan me të gjithë aktorët në Tiranë, ripërsëriti zotimin e bërë në emër të Partisë Demokratike.
“Me vetëdijen se gjatë qeverisjes sonë nuk i dhamë zgjidhje çështjes së pronës, Partia Demokratike në qeveri do të pezullojë të gjitha ligjet anti-kushtetuese, që mohojnë të drejtën e pronës si Ligji Investimeve Strategjike, Ligji për Kompensimin e Pronës të vitit 2015, Ligjin e Kadastrës dhe ligjet e tjera në lidhje me pronën”.
Komisioni i Venecias doli në përfundimin se drafti i hartuar nga ligjvënësit shqiptar cenon të drejtat e pronarëve duke i ftuar të rishikojnë draftin në përputhje me konventat ndërkombëtare.
Top Channel
