Serbëve u bëhet presion për të votuar Listën Serbe, dy persona në pranga
03/10/2019 18:56
Stuhi, reshje shiu dhe dëbore godasin Shtetet e Bashkuara 24/11 08:35
Gjykata Themelore në Gjilan ka aprovuar kërkesën e Prokurorisë Themelore të Gjilanit, duke i caktuar masën e paraburgimit prej 30 ditë të pandehurve Zh.D., dhe V. B.
Të pandehurit dyshohen se më datë 26 dhe 27 shtator 2019, në vazhdimësi kanë ushtruar presion dhe kanë kanosur të dëmtuarit O. K., S. K. dhe J. K., që në zgjedhjet që pritet të mbahen të dielën të përkrahin dhe votojnë partinë Lista Serbe, raporton Kosovapress.
Me këto veprime të pandehurit dyshohen të kenë kryer veprën penale ‘’cënimi i përcaktimit të lirë të votuesve” vepër e sanksionuara me Kodin Penal të Republikës së Kosovës (KPRK).
Gjyqtari i procedurës paraprake në Departamentin e Krimeve të Rënda, pas shqyrtimit të shkresave të lëndës, ka konsideruar se janë përmbushur kushtet ligjore për caktimin e masës së paraburgimit ndaj të pandehurve, pasi që masat tjera alternative do të ishin të pamjaftueshme për zhvillimin normal të procedurës penale.
Palët kanë të drejtën e ankesës ndaj këtij vendimi në Gjykatën e Apelit.
Zgjedhjet e parakohshme parlamentare në Kosovë do të zhvillohen më 6 tetor.
Top Channel
