Avioni përplaset me disa kamionë teksa zbriste në pistë, tre të plagosur 17/11 22:57
Këngëtari çek, Karel Gott, i cili shiti miliona këngë dhe u njoh si “Sinatra i Lindjes” ka vdekur në moshën 80 vjeçare.
Gott lançoi pothuajse 300 albume, duke filluar nga mesi i viteve 1960, duke shitur dhjetëra miliona kopje në të gjithë botën.
Gott ishte i popullarizuar prapa Perdes së Hekurt dhe u bë i njohur si “zëri i artë i Pragës”, por ai gjithashtu gjeti famë në Evropën Perëndimore, veçanërisht në Gjermani.
Ai vdiq të martën vonë pas një sëmundjeje të gjatë dhe të rëndë, tha gruaja e tij.
Gott njoftoi muajin e kaluar se ai kishte leuçemi akute.
Albumi i tij i fundit i daton vitit 2018 dhe ishte akoma popullor në Gjermani, Rusi dhe SH.B.A.
Historia e tij e këngës është mjaft e veçantë pasi ai e ka nisur fillimisht si elektriçist në Pragë dhe më pas në kafenenë e qytetit u zbulua si këngëtar.
Gjatë epokës komuniste, ai interpretoi brenda dhe jashtë vendit, përfshirë në Perëndim, gjë që ishte e rrallë për muzikantët çekë.
Edhe pas pushtimit Sovjetik në Pragë ai vazhdoi të mbetej popullor edhe pse shumë këngë të tijat u ndaluan për arsye politike.
Në vitin 1968 ai përfaqësoi Austrinë në Eurovizion, duke realizuar këngën ‘Mijëra Dritare’.
Presidenti çek Milos Zeman tha se vdekja e këngëtarit ishte “një lajm jashtëzakonisht i trishtuar për të gjithë vendin”.
Flamujt u valëvitën në gjysmën shtizë të Mërkurën dhe qeveria tha që ai do të ketë një funeral shtetëror.
Top Channel
