Përshkallëzohet situata në Lindjen e Mesme/ Izraeli sulmon Bejrutin, Hezbollahu bazat ushtarake izraelite 17/11 09:59
Kompanitë farmaceutike në ShBA po ndërpresin shitjen e një ilaçi për stomakun, që po hetohet për lidhje me kancerin.
Kjo pason shqetësimet në vende të ndryshme, përfshirë vendin tonë, në lidhje me praninë e papastërtive tek Zantaku dhe produkte të tjera të Ranitidinës. Kanadaja dhe Franca po ashtu kanë njoftuar tërheqjen nga tregu të zantakut.
SHBA dhe Bashkimi Evropian, janë ndërkohë në proces hetimi. Autoritetet shëndetësore thonë se nuk ka rrezik të menjëhershëm, por pacientët janë këshilluar të konsultohen me një mjek që mund të përshkruajë një alternativë ndaj Ranitidinës.
Më 13 shtator, administrata amerikane e ushqimit dhe ilaçeve FDA dhe agjencia evropiane e ilaçeve EMA publikuan vendimet e tyre për të rishikuar praninë e N-nitrosodimetalaminës NDMA në barnat që përmbajnë ilaçin Ranitidinë.
NDMA klasifikohet si një kancerogjen i mundshëm bazuar në studime të kryera tek kafshët. Ai është gjetur në ujë dhe ushqime, përfshirë mishin, produktet e bulmetit dhe perimet, por nuk mendohet se shkakton dëme kur kapërdihet në nivele të ulëta.
Produktet e Ranitidinës përdoren për të reduktuar prodhimin e acideve në stomak tek pacientët me gjendje si urthi apo ulçera në stomak. Ato mund të merren në farmaci me recetë.
Top Channel
