Vjedh motorin, por e pëson keq/ Aksidentohet rëndë ndërsa largohej me shpejtësi kur u pikas nga pronari i mjetit
15/10 15:53
Ambasadori i BE në Shqipëri, Luigi Soreca në një konferencë për mediat, ku komentoi tërmetin e së shtunës së 21 shtatorit u shpreh se sot në Shqipëri është domosdoshmëri ngritja e një agjencie të fortë të mbrojtjes civile për të rritur kapacitetet për menaxhimin e riskut.
“Ne jemi krenarë edhe për efikasitetin e mekanizmit tonë të mbrojtjes civile europiane. Vetëm pak ditë u deshën në mënyrë që ne të bënim një ekipi me 8 ekspertë dhe sot i kemi në Shqipëri.
Deri më sot 8 shtete kanë dhënë ndihmën e tyre. Ekipi është këtu që të mbikëqyrë dhënien e këtyre sendeve dhe për të bërë ekspertizën e tyre”, tha ai.
Por Soreca nuk la pa përmendur edhe mangësinë e informimit të qytetarëve për të tilla raste të katastrofave natyrore, duke iu referuar trazirës dhe panikut që shkaktoi lajmi i syri.net dhe gazetarit Aurel Rakipllari, të cilët janë zyrtarisht nën hetim nga anti terrori.
“Ngjarjet e kësaj jave kanë treguar një mangësi ndërgjegjësimi dhe arsimimi nga ana e qytetarëve dhe e medias, e cila nga në rrethana më të rënda mund të ishte shkatërruese”, tha ai.
Top Channel
