Banorët e Kukësit dhe Hasit zgjohen me dëborë, në disa zona nuk ka energji elektrike
23/11 09:02
Eduard Selami prej kohesh ishte larguar nga jeta aktive në Partinë Demokratike.
Por së fundmi është rikthyer në Tiranë. Këtë të shtunë ai është parë duke hyre në selinë e Partisë Demokratike për një takim kokë më kokë me kryetarin Lulzim Basha.
Top Channel ka mësuar se qëllimi i takimit ka qenë bashkimi i kontributeve për PD dhe opozitën. Takimi ishte planifikuar prej kohesh dhe Selami nuk ka munguar edhe pse kishte një tjetër angazhim shumë të rëndësishëm këtë të shtunë.
Selami u largua nga jeta aktive politike pas kandidimit për postin e kreut të PD përballë Bashës. Por edhe pas një seri qëndrimesh shumë të ndryshme nga linja zyrtare e PD.
Selami u tregua kritik ndaj PD duke ndjekur qëndrimin kritik që ndërkombëtarët patën për linjën zyrtare të PD që nga koha e protestës në çadër.
Po si do kthehet Selami me PD dhe nëse ka një post për të, kjo pritet për tu parë.
Top Channel
