Deklarata e Berishës ndaj ambasadorit Gonzato, Elisa Spiropali: Gjuha e urrejtjes e papranueshme, Qeveria shqiptare distancohet nga qëndrime të tilla 06/11 20:31
Pas një debati rreth 30 minutësh Bundestagu Gjerman votoi pro hapjes së negociatave të anëtarësimit të Shqipërisë dhe Maqedonisë së Veriut më Bashkimin Europian.
Tashmë autorizohet qeveria federale për hapat e metëjshëm të këtij procesi, ndërsa ndaj vendit tonë ka 9 kushte, të ndara në dy faza të cilat duhet që të plotësohen, për Maqedoninë e Veriut nuk kishte asnjë kusht.
Për Shqipërinë ishin 395 vota pro, 188 kundër dhe 16 abstenime, ndërsa për Maqedoninë e Veriut 465 vota pro, 122 kundër dhe 22 abstenime.
Vendimin e përshëndeti i pari Ambasadori i Delegacionit të Bashkimit Europian që shpërndau reagimin e Komisioneriot të Zgjerimit, Johanes Hahn.
“Bundestagu votoi në favor të hapjes së negociatave për Shqipërinë dhe Maqedoninë e Veriut”, shkruante Soreka.
Presidenti Ilir Meta e falënderoi Bundestagun, veçanërisht grupit CDU-CSU për angazhimin e tyre serioz në mbështetje të integrimit të Shqipërisë.
“Tani urgjent të punohet për zgjidhjen e shpejtë të krizës së rëndë politike dhe plotësimin e 9 kritereve të qarta!”, thotë Meta, sipas te cilit, “Po të ishin dëgjuar këshillat e tyre në kohë, sot do të kishim marrë një vendim pa kushte ashtu si Maqedonia e Veriut”.
Kreu i shtetit kërkon reflektim serioz për t’i dhënë Shqipërisë një mundësi reale, jo imagjinare!
Top Channel
