Tërmeti i fuqishëm/ Këshilli Bashkiak në Durrës miraton fondin për mbulimin e dëmeve
23/09/2019 17:41
Ekskluzive/ Gjyqësori pa financa! Dosjet stok, Këshilli i Lartë ankohet se Ministria e Financave u bllokoi fondet
06/05 21:44
Këshilli Bashkiak i Durrësit miratoi fondin prej 10 milion lekësh për mbulimin e dëmeve të shkaktuara nga tërmeti i fuqishëm i 21 shtatorit.
Ky fond është pjesë e fondit të kontigjencës të buxhetit 2019 të bashkisë Durrës. Fondi i bashkohet atij prej 20 milion lekësh të akorduar nga Bashkia Tiranë për Durrësin.
Këshilltarët bashkiakë dhuruan pagesën e tyre të muajit shtator (10000 lekë/ anëtar) për familjet e prekura nga tërmeti.
Kryebashkiakja Valbona Sako deklaroi se në këto kushte të vështira ky fond vjen si një ndihmë e parë për të dëmtuarit që po verifikohen në terren prej 16 grupeve të ngritura.
Sako theksoi se qytetarët nuk duhet të abuzojnë me deklarimet e tyre për të përfituar nga situata.
Dëmshpërblimi do të kalojë në numra llogarie për të dëmtuarit në mënyrë që i gjithë procesi të jetë transparent.
Gjatë mbledhjes u kërkua dhe shkarkimi i sekretarit aktual të KB-së, Armand Tragaj, dhe zëvendësimi i tij me një tjetër, po kjo kërkesë që nuk ishte në rend të ditës, nuk u miratua pasi këshilltarët e vlerësuan si të paarsyetuar.
Top Channel
